پہلی ڈبل ڈیکر بس شاہراہ فیصل پر۔۔۔

بس میں سندھ کے وزرا کا سفر، شرجیل انام میمن ،ناصر حسين شاہ کے ساتھ دیگر وزرا نے بھی بس میں سفر میں  موجود کم سے کم کرایہ 80 روپے اور زیادہ سے زیادہ 120 روپے ہوگا

کراچی (30 دسمبر 2025): شہر قائد میں تقریباً نصف صدی بعد ڈبل ڈیکر بسیں ایک بار پھر سڑکوں پر دوڑتی نظر آئیں گی آغاز کل سے ہو رہا ہے۔

ملک کے سب سے بڑے شہر کراچی میں تقریباً نصف صدی قبل ڈبل ڈیکر بسیں چلا کرتی ہیں، جو بعد ازاں بند کر دی گئیں۔ تاہم پرانا دور جدت کے ساتھ ایک بار پھر لوٹ کر آ رہا ہے اور کل سے کراچی میں دوبارہ ڈبل ڈیکر بسوں کا آغاز ہو رہا ہے۔

سینئر صوبائی وزیر شرجیل میمن نے کراچی میں پریس کانفرنس کرتے ہوئے کل سے شہر قائد میں ڈبل ڈیکر بس سروس شروع کرنے کا اعلان کرتے ہوئے کہا کہ کل (بدھ) سے کراچی کے شہریوں کے لیے ڈبل ڈیکر بس سروس کا آغاز کر رہے ہیں۔

شرجیل میمن نے کہا کہ ابتدائی طور پر ملیر سے شارع فیصل تک ڈبل ڈیکر بسوں کا تجرباتی طور پر آغاز کیا جا رہا ہے۔ مزید ڈبل ڈیکر بسیں کراچی میں لا کر اس کی سروس میں مزید توسیع کریں گے۔ ڈبل ڈیکر بس سروس سے کراچی کے شہریوں کی سہولت میں مزید اضافہ ہوگا۔

صوبائی وزیر نے کہا کہ عوام کو معیاری سفری سہولتوں کی فراہمی سندھ حکومت کی اولین ترجیح ہے۔ ہم چاہتے ہیں سندھ بھر میں ٹرانسپورٹ کے مسائل حل کریں

انہوں نے کہا کہ ریڈ لائن بی آر ٹی کے جن مقامات پر کام رکا ہوا تھا، وہاں بھی کام شروع ہو چکا ہے۔ شہری ایک ہی کارڈ پر یلو لائن اور اورنج لائن بی آرٹی پرسفر کرسکیں گے۔ اورنج لائن سے ایک لاکھ مسافر روزانہ سفر کریں گے۔

ان کا کہنا تھا کہ ہماری کوشش ہے سندھ کے ہر ضلع میں ٹرانسپورٹ منصوبے شروع کریں۔ خیرپور، شکارپور اور ٹنڈوالہٰیار میں پیپلز بس سروس شروع کرنے جا رہے ہیں جب کہ حیدرآباد میں بھی پیپلز بسوں کی تعداد بڑھانے جا رہے ہیں۔

سندھ کے سینئر وزیر نے کہا کہ وزیراعظم شہباز شریف نے کراچی کے لیے 150 بسوں کا اعلان کیا تھا۔ ان سے بات کریں گے اور درخواست کریں گے کہ انہوں نے جن بسوں کا وعدہ کیا تھا، وہ پورا کریں۔